Церцель палохае Лукашэнку «баявымі групамі» з Украіны, Польшчы, Літвы і Чэхіі

• 1.06.2023, 12:53

Дыктатара ўзялі ў аблогу па ўсім «перыметры».

Беларусь узмацніла кантроль па перыметры мяжы з мэтай «фільтрацыі кантынгенту». Аб гэтым сёння заявіў старшыня КДБ Іван Церцель.

«Гэтая мера рэалізуецца цяпер па ўсім перыметры нашай мяжы. Яна накіраваная на своечасовае выяўленне і лакалізацыю дзейнасці асоб, якія выношваюць тэрарыстычныя, экстрэмісцкія памкненні ў дачыненні да Беларусі», - сказаў ён, піша БелТА.

Церцель дадаў, што нібыта атрымлівае інфармацыю аб «рэальных планах баявых груп, сфармаваных на тэрыторыі Украіны, Польшчы, Літвы, Чэхіі і іншых краін».

Церцель таксама адзначыў, што «эскалацыя нарастае».

Раней СМІ пісалі пра больш дбайныя праверкі пры перасячэнні мяжы Беларусі з краінамі ЕЗ. Таксама нядаўна быў адноўлены кантроль на мяжы з Расеяй.