Названыя самыя прадаваныя электрамабілі ў свеце

• 1.06.2023, 21:21

Хто ўзначаліў рэйтынг.

Tesla і BYD – лідары сусветнага рынку электрамабіляў, а вось японскія аўтавытворцы прыкметна адстаюць ад сваіх канкурэнтаў. Пра гэта сведчыць новая справаздача Міжнароднай рады экалагічна чыстага транспарту (ICCT), якая атрымала назву «Глабальны рэйтынг аўтавытворцаў 2022 года».

Эксперты ICCT назвалі Tesla і BYD адзінымі лідарамі сярод 20 галоўных сусветных аўтавытворцаў, якія выпускаюць электракары. У спіс аўтавытворцаў, якія знаходзяцца ў пераходнай фазе, увайшлі 12 брэндаў, і першыя месцы там занялі BMW і Volkswagen. А ў шасцёрку адсталых марак увайшлі пяць японскіх брэндаў і адзін індыйскі аўтавытворца. Гэта Toyota, Honda, Nissan, Tata, Mazda і Suzuki.

Складаючы рэйтынг аўтавытворцаў, эксперты ICCT вывучылі рынкавую дзель кожнага з іх, іх стратэгію развіцця і тэмпы ўкаранення сучасных тэхналогій. Tesla – адзіны брэнд у спісе, які вырабляе толькі электрамабілі і ніколі не вырабляў традыцыйныя бензінавыя аўто.

Кітайскі аўтагігант BYD, у сваю чаргу, у найкарацейшыя тэрміны электрыфікаваў увесь свой мадэльны шэраг. Свой апошні аўтамабіль, які працуе выключна на бензіне, BYD выпусціла ў сакавіку 2022 года, з таго часу кампанія выпускае толькі гібрыдныя і цалкам электрычныя мадэлі.