Дрон пацэліў у «святое» месца ў Маскве

• 2.06.2023, 8:14

Крамлёўская «багема» ў шоку.

Атака дрона невядомага паходжання на самы элітны раён сталіцы Расеі Масквы, Рублёўку, стала шокам для масквічоў і крамлёўскай «багемы», якая жыве тут. Фактычна гэты інцыдэнт прадэманстраваў, што вайна можа прыйсці і на Рублёўку.

Такое меркаванне ў эксклюзіўным інтэрв'ю obozrevatel.com выказаў расейскі праваабаронца Марк Фейгін. «Што да Рублёўкі, то ў вядомым сэнсе для багемнага асяроддзя ў Расеі гэта як храм Труны Гасподняй, гэта «святое» месца. На яго рабіць замах нельга. Яны ўсе тамака жывуць. Таму, безумоўна, яны ў шоку», - заўважыў ён.

Праваабаронца патлумачыў, наколькі адрозніваецца Рублёўка ад іншых раёнаў Масквы і Расеі ў цэлым.

«Кажуць, што Масква - гэта нешта асобнае ад усёй Расеі. Кажуць, Садовае кальцо - гэта нешта зусім іншае, чым Расея. Бульварнае кальцо - гэта нешта яшчэ больш асобнае, чым уся Масква, чым уся Расея. Але Рублёўка - гэта асобна ад усяго гэтага разам узятага».

Паводле ацэнак Фейгіна, выбух у Маскве выклікаў шок. «Безумоўна, гэта выклікала шок. Мы мяркуем з маніторынгу сацсетак, паблікаў, дзе так ці інакш гэтыя настроі выяўляюцца. Нехта іх называе панічнымі, нехта гаворыць проста пра пачуццё страху, нехта гаворыць пра нечаканасць і няўпэўненасць», – паведаміў ён.

«А калі прыляціць сто дронаў? А калі пяцьсот? Гэта ж пытанне асабліва прамысловае – ёсць гэтыя дроны ў такіх колькасцях ва «Украбаронпрама» ці не, і ці гатовыя яны іх выдаткаваць на Рублёўку», - выказаў меркаванне праваабаронца.