УСУ разграмілі ракетамі Storm Shadow расейскіх вайскоўцаў у порце Бердзянска

• 2.06.2023, 12:36

У акупаваным горадзе раздаліся магутныя выбухі.

Выбухі ў Бярдзянску раздаліся 2 чэрвеня. Украінскія вайскоўцы патрапілі па пазіцыях захопнікаў.

Пра гэта паведамляе РБК-Украіна са спасылкай на Бярдзянскую гарадскую вайсковую адміністрацыю і мясцовыя Telegram-каналы.

«У Бярдзянску зноў расцвітае «бавоўна»! Ёсць трапленне па пазіцыях акупантаў

Дзякуй УСУ за тое, што набліжаюць вызваленне горада», - напісалі ў МВА.

Паводле папярэдніх звестак, некалькі ракет Storm Shadow прыляцелі ў раён порта, што пацвярджаюць і акупанты.

Да таго ж, у сяле Асіпенкі таксама чулі выбух, а ў раёне палігона бачылі дым, які хутка знік. У небе таксама была відаць паласа, пры чым не ад самалёта.

Мясцовыя паведамляюць, што ракета ляцела і ў бок Касы, але яе збілі. Яна магла ўпасці ў раёне Слабодкі.