Расейскія добраахвотнікі ўзялі палонных і выставілі ўльтыматум губернатару Белгародскай вобласці
- 4.06.2023, 14:46
У кіраўніка адміністрацыі Белгародскай вобласці засталося некалькі гадзін.
Расейскія добраахвотнікі з Легіёна «Свабода Расеі» і «Рускага добраахвотніцкага корпуса» (РДК) пасля актыўных баявых дзеянняў на працягу тыдня ўзялі палонных і выступілі з заявай, прапаноўваючы губернатару Белгарадскай вобласці РФ Вячаславу Гладкову з'явіцца да іх на перамовы.
Адпаведнае відэа было апублікаванае ў прэс-службамі РДК і Легіёна «Свабода Расеі».
Камандзір добраахвотнікаў Дзяніс Капусцін адзначыў, што гатовы вызваліць палонных у абмен на размову з Гладковым - аб вайне, будучыні Белгарадская вобласці і Расеі як дзяржавы ў цэлым.
Губернатару Белгарадскай вобласці РФ прапанавалі прыехаць на машыне «хуткай дапамогі» без зброі - яму далі час на роздум да 17:00. У якасці месца сустрэчы выбралі царкву ў прадмесці Шабекіна — Новай Тавалжанцы.
«Калі вы сёння да 17:00 з'явіцеся ў храм у Новай Тавалжанцы, мы, у якасці жэсту добрай волі, як прынята казаць у нас на радзіме, абмяняем гэтых двух палонных проста на магчымасць пагутарыць з вамі пра лёс Расеі, непатрэбную кровапралітную вайну, якая вядзецца ўжо паўтара года, а зараз вядзецца і на тэрыторыі вашай Белгарадскай вобласці.
Таму сёння да 17:00 у вас ёсць магчымасць паразмаўляць без зброі і забраць дадому двух грамадзян РФ, простых салдат, якіх вы і ваша палітычнае кіраўніцтва адправіла на гэтую бойню. Да сустрэчы!», - гаворыцца ў заяве расейскіх добраахвотнікаў.
Як паведамляў сайт Charter97.org, байцы «РДК» і легіёна «Свабода Расеі» пачалі другую фазу вайсковай аперацыі на тэрыторыі РФ.
Расейскія добраахвотнікі прарвалі мяжу РФ і рухаюцца наперад у напрамку населенага пункта Шабекіна Белгарадскай вобласці.
Залпамі з «Градаў» знішчана кіраўніцтва расейскіх вайскоўцаў у будынку ўпраўлення МУС у Шабекіне. Акрамя таго, падчас баёў падбіты варожы грузавік з боекамплектам і самаходны мінамёт «Цюльпан». Таксама расейскія добраахвотнікі знішчылі вялікую колькасць варожай тэхнікі ў пасёлку Новая Таволжанка, побач з горадам Шабекіна.
Пазней з'явілася інфармацыя, што расейскія добраахвотнікі ўвайшлі ў прадмесці Шабекіна.