У РФ па радыё транслявалі панічны «зварот» Пуціна праз нібыта ўварванне УСУ

• 5.06.2023, 15:06

Расейцаў заклікалі эвакуавацца ўглыб краіны.

У Растоўскай, Белгарадскай і Варонежскай абласцях РФ у радыёэфіры транслявалі «зварот» Уладзіміра Пуціна, у якім той заклікаў расейцаў эвакуавацца ўглыб краіны праз уварванне ўкраінскага войска і абвясціў аб мабілізацыі; мясцовыя ўлады і Крэмль заяўляюць, што гэта хлусня.

Пра гэта паведамляе pravda.com.ua са спасылкай на расейскія СМІ.

«Расейцы, суграмадзяне, браты і сёстры. Сёння а 4 раніцы ўкраінскія войскі, узброеныя блокам NATO, са згоды і пры падтрымцы Вашынгтона ўварваліся на тэрыторыю Курскай, Белгарадскай і Бранскай абласцей. Нашы памежнікі і Узброеныя сілы даюць годны адпор амцнейшым сілам агрэсара.

На тэрыторыі Курскай, Белгарадскай, Бранскай абласцей маім указам уведзенае ваеннае становішча. Таксама сёння падпішу ўказ аб усеагульнай мабілізацыі, паколькі для перамогі над небяспечным і падступным ворагам нам трэба будзе аб'яднаць усе сілы Расейскай Федэрацыі», - гаварылася ў радыёпаведамленні.

Таксама ў звароце жыхароў Курскай, Белгарадскай, Бранскай абласцей заклікалі эвакуавацца ўглыб тэрыторыі Расеі.

Прэс-сакратар Уладзіміра Пуціна Дзмітрый Пяскоў назваў зварот хлуснёй і заявіў, што зараз кантроль над эфірам адноўлены.