Беларус ударыў малатком па муру Крамля

• 11.10.2024, 15:37

І абліў фарбай фасад гістарычнага музея.

Цвярскі раённы суд Масквы арыштаваў на 15 дзён 32-гадовага беларуса Аляксандра Фралова, які ўдарыў малатком па сцяне Крамля і абліў фарбай фасад гістарычнага музея, паведамляе «Медиазона».

Арышт яму прызначылі паводле артыкула аб непадпарадкаванні супрацоўніку паліцыі (19/03 КоАП РФ). Фралоў растлумачыў свае дзеянні "асабістай непрыязнасцю да супрацоўнікаў ФСА".

30 верасня беларусу прызначылі 10 дзён арышту праз тое, што ён пакінуў на вежы Крамля ля набярэжнай Масквы-ракі "надпіс з абвінавачаннем супрацоўнікаў спецслужбаў у згвалтаванні дзяўчынкі", які "неўзабаве адмылі", паведамляе выданне Baza.

У студзені 2022 года суд Жлобінскага раёна прысудзіў Фралова да паўтара года хіміі паводле артыкула аб грубым парушэнні парадку (артыкул 342 КК). У лістападзе 2023 года ён выйшаў на волю.