Расейцы расстралялі ўкраінскіх палонных у Курскай вобласці

• 13.10.2024, 10:25

Пакараныя смерцю дзевяць чалавек.

10 кастрычніка расейцы расстралялі 9 украінскіх вайскоўцаў на Куршчыне. Пра гэта паведамляюць аналітыкі DeepState.

«Чарговы раз парушылі правілы і звычаі вядзення вайны – расстраляныя 9 украінскіх вайскоўцаў на Куршчыне», – сказана ў паведамленні.

Пры гэтым праект спасылаецца на крыніцы ў 1 АДБр.

Адзначаецца, што 10 кастрычніка расейцы расстралялі дроннікаў і памежнікаў у раёне н.п. Зялёны Шлях:

«Дадатковыя дэталі абставінаў высвятляюцца, але вядома, што хлопцы выходзілі на пазіцыі з думкамі, што яны ў адносным тыле, але ўжо вымушаныя былі ўступаць у кантакт з ворагам і адстрэльваліся. Аднак колькасць БК была абмежаваная і яны былі вымушаныя здацца».

Пры гэтым адзначаецца, што сітуацыя на Куршчыне «не такая радасная», хоць Сілы Абароны праводзяць стабілізацыйныя мерапрыемствы, але аднавіць страчанае вельмі цяжка.

«Мы абмеркавалі гэтую сітуацыю з іншымі афіцэрамі і камандзірамі на розных адрэзках. Экіпажам БПЛА варта больш сур'ёзна ставіцца да магчымасці прарыву ворага на іх пазіцыі і не грэбаваць бяспекай», – адзначаюць у DeepState.