Палескія дэсантнікі знішчылі штурмавую групу расейцаў, якая расстраляла ўкраінскіх вайскоўцаў у Курскай вобласці

• 13.10.2024, 14:00

Акупанты былі са 155-й брыгады марской пяхоты Ціхаакіянскага флоту.

Байцы 95-й асобнай дэсантна-штурмавой Палескай брыгады знішчылі штурмавую групу расейцаў, якая мае дачыненне да расстрэлу байцоў УСУ 10 кастрычніка, у адным з населеных пунктаў Курскай вобласці РФ.

Пра гэта ў нядзелю, 13 кастрычніка, паведамілі Дэсантна-штурмавыя войскі УСУ.

«Гэта былі выблюдкі са 155-й брыгады марской пяхоты Ціхаакіянскага флоту, якія асабліва любяць выхваляцца сваімі “подзвігамі”. А менавіта: здзекамі з палонных, а таксама расстрэламі тых украінскіх вайскоўцаў, хто, апынуўшыся ў безвыходнасці, здаўся ў палон», – напісалі вайскоўцы.

У брыгадзе адзначылі, што ваеннапалонныя ва ўсім свеце знаходзяцца пад абаронай законаў вайны, сярод іншага Жэнеўскіх канвенцый. Аднак расейцы сістэматычна ігнаруюць нормы міжнароднага гуманітарнага права, груба і цынічна парушаючы іх.

«Але тут хайпануць у гэтых вырадкаў у ваеннай форме не атрымалася: сустрэўшыся ў баі з украінскімі дэсантнікамі, яны былі ўсё знішчаныя. Такі самы лёс чакае і іншых вайскоўцаў з гэтай брыгады», – напісалі ў 95-й АДШБр.

13 кастрычніка аналітычны партал DeepState, спасылаючыся на крыніцы ў 1-й асобнай танкавай брыгадзе, паведаміў, што расейскія акупанты 10 кастрычніка расстралялі дзевяць украінскіх вайскоўцаў у Курскай вобласці.