Жыхар Слуцкага раёна зладзіў дэбош пасля таго, як яго выгналі з бара на Зыбіцкай

• 14.10.2024, 9:13

Беларус надумаў даць волю сваім эмоцыям.

У Менску будуць судзіць 31-гадовага жыхара Слуцкага раёна, які зладзіў дэбош у бары на Зыбіцкай, піша агенцтва «Мінск-Навіны» са спасылкай на пракуратуру.

Мужчына са знаёмымі адпачываў у адной з устаноў на вуліцы Зыбіцкай. Ён перабраў са спіртным і пачаў канфліктаваць з кімсьці з наведвальнікаў, з-за чаго ахоўнік вывеў яго з бара і назад больш не ўпускаў. Гэта абурыла госця, таму ён надумаў даць волю сваім эмоцыям: падняў столік са штучнага шкла, які стаяў на летняй тэрас, і з усёй сілы кінуў у бок, пашкодзіўшы яго. Нанесеная ўстанове шкода склала 760 рублёў.

Мужчыну затрымалі і распачалі ў дачыненні да яго крымінальную справу за хуліганства.

- Абвінавачаны афіцыйна працаўладкаваны, раней да крымінальнай адказнасці не прыцягваўся. Яму выстаўленае абвінавачанне паводе ч. 1 арт. 339 КК, санкцыя якой - аж да трох гадоў пазбаўлення волі. Віну грамадзянін прызнаў цалкам, у зробленым раскаяўся, прычыненую ўстанове шкоду добраахвотна кампенсаваў, - распавялі ў пракуратуры.

У дачыненні да яго выкарыстаная мера стрымання ў выглядзе асабістага паручальніцтва.