Экс-нардэп Украіны Ляшко стаў камандзірам батальёна беспілотных сістэм

• 14.10.2024, 19:15

Лідар «Радыкальнай партыі» ўступіў у шэрагі УСУ ў 2022 годзе.

Лідара «Радыкальнай партыі» Алега Ляшко, які служыць ва УСУ, прызначылі камандзірам батальёна беспілотных сістэм кіравання асобнай механізаванай брыгады.

Раней у сеціве распаўсюдзілі дакумент, з якога вынікае, што 11 кастрычніка Алег Ляшко быў прызначаны камандзірам батальёна беспілотных сістэм кіравання асобнай механізаванай брыгады вайсковага корпуса Наземных войск Узброеных сіл Украіны.

У каментары a target="_blank" href=https://www.pravda.com.ua/rus/news/2024/10/14/7479651/>«Украінскай праўдзе» прэс-афіцэр 63-й брыгады пацвердзіў гэтую інфармацыю.

Пры гэтым у Наземных войсках пакуль не каментавалі гэтую сітуацыю.

3 кастрычніка 2022 г. былы народны дэпутат Украіны, лідар «Радыкальнай партыі» Алег Ляшко паведаміў, што ўступіў у шэрагі УСУ і прыняў вайсковую прысягу.

За тры дні да прысягі Алег Ляшко падзяліўся ў сацсетках фота ў вайсковай форме з сабакам.