ЕЗ пачаў фактычныя перамовы аб далучэнні Албаніі

• 15.10.2024, 16:41

У Люксембургу адбылося другое пасяджэнне Канферэнцыі.

Сёння, 15 кастрычніка, у Люксембургу адбылося другое пасяджэнне Канферэнцыі па ўступленні Албаніі ў ЕЗ на ўзроўні міністраў.

Яна стала пачаткам фактычных перамоў па ўступленні краіны ў Еўразвяз. Як піша «Люстэрка Тыдня», пра гэта гаворыцца ў паведамленні Рады ЕЗ.

Зрэшты, бакі пачалі перамовы па кластары 1: Асновы. Ён уключае наступныя сферы і раздзелы перамоваў:

функцыянаванне дэмакратычных інстытутаў;

рэформа дзяржаўнага кіравання;

раздзел 23 - Судовая ўлада і асноўныя правы;

раздзел 24 - Правасуддзе, свабода і бяспека;

эканамічныя крытэры;

раздзел 5 - Дзяржаўныя закупы;

раздзел 18 - Статыстыка;

раздзел 32 - Фінансавы кантроль.

Адзначаецца, што дэлегацыю ЕЗ узначальваў вугорскі міністр замежных спраў Петэр Сіярта і камісар па суседстве і пашырэнні Олівер Варгеі. Вугоршчына старшынюе ў Радзе Еўрапейскага Звязу. Албанскі бок узначальваў прэм'ер Эдзі Рама.

«Адным з ключавых прыярытэтаў вугорскага старшынства з'яўляецца пасоўванне пашырэння ЕЗ, бо Еўрапейскі Звяз мае патрэбу ў новым імпульсе, свежай энэргіі і новых даляглядах, якія могуць надаць Заходнія Балканы. Я з нецярпеннем чакаю далейшага прагрэсу Албаніі на шляху да сяброўства ў ЕЗ», - заявіў Сіярта.