Прэзідэнтка Малдовы сустрэлася з беларускім гуртом «Бі-2» і Лаймай Вайкуле

• 15.10.2024, 18:52

Палітык паразмаўляла з музыкамі ў Кішынёве пасля іх выступаў на канцэрце ў гонар Дня горада.

Прэзідэнтка Малдовы Мая Санду сустрэлася са спявачкай Лаймай Вайкуле і гуртом «Бі-2» у Кішынёве, паведамляе Unimedia.

Палітык паразмаўляла з музыкамі пасля іх выступаў на канцэрце ў гонар Дня горада. З Вайкуле прэзідэнтку Малдовы пазнаёміў гітарыст «Бі-2» Аляксандр Уман.

«Мы радыя дапамагчы тым, хто верыць у дэмакратыю і свет. Дзякуй, што прыйшлі сёння і падтрымалі нас», - сказала Санду.

Уман нагадаў, што некаторыя музыкі «Бі-2» маюць грамадзянства Малдовы, таму палітык цяпер будзе часта бачыць гурт.