Расейцы знялі на відэа вялізныя могілкі расейскіх вайскоўцаў у Татарстане

• 15.10.2024, 20:28

Войска РФ нясе сур'ёзныя страты ва Украіне.

У Інтэрнэце распаўсюдзілася відэа, на якім відавочцы зафіксавалі вайсковыя могілкі ў Татарстане, дзе пахаваныя расейскія вайскоўцы, якія загінулі ў вайне з Украінай. Могілкі «перапоўненыя» магіламі, што падкрэслівае маштабы стратаў расейскага боку. Відэа было апублікаванае ў Telegram-канале «Украіна 365».

На кадрах можна ўбачыць шматлікія расейскія сцягі і сцягі розных падраздзяленняў, што дае магчымасць ідэнтыфікаваць месца як вайсковае пахаванне. У каментарах да відэа гаворыцца, што страты настолькі вялікія, што людзі пастанавілі зняць могілкі і паказаць гэта сваякам, каб яны маглі ўбачыць маштабы таго, што адбываецца.

«Карацей капец, Эдзік, тут жах», – каментуе відэа жанчына, якая здымае тое, што адбываецца, на камеру.