Палітвязень Мікалай Дзядок чатыры месяцы знаходзіцца ў штрафным ізалятары

• 16.10.2024, 9:38

На яго завялі новую справу.

Ужо чатыры месяцы палітвязень Мікалай Дзядок знаходзіцца ў штрафным ізалятары.

“Ні лістоў, ні кніг, ні шпацыраў, ні зручнага ложка. У той жа час супраць яго завялі новую справу паводле артыкула 411 КК РБ (непадпарадкаванне патрабаванням адміністрацыі”, - паведамляецца ў яго тэлеграм-канале.

Ён перадаў на волю ліст, напісаны яшчэ ў 2015 годзе падчас папярэдняга тэрміну, але актуальны і сёння, у якім ён заклікае:

"Таму я звяртаюся са сваім заклікам да вас і ўсіх, у каго ёсць сілы і магчымасць паўплываць на становішча, з надзеяй, што тое, што адбываецца са мной, больш не адбудзецца ні з кім у Беларусі".