Колькі каштаваў у верасні самы дарагі квадратны метр жылля ў Менску

• 16.10.2024, 10:27

Кватэра плошчай 50 «квадратаў» размешчаная ў доме 2019 года пабудовы.

У верасні кошт самага дарагога квадратнага метра ў Менску зафіксавалі крыху вышэй за $3170. Такія звесткі падае сайт wikidom.by.

Столькі каштаваў квадратны метр у кватэры ў ЖК "Алімпік Парк". Кватэра плошчай 50 «квадратаў» размешчаная ў доме 2019 года пабудовы.

У той жа час самая дарагая кватэра, якую прадалі ў верасні ў Менску, каштавала $380 тысяч. Яна знаходзіцца ў былым будынку-даўгабудзе.

Што да ўгод з дамамі, у верасні аналітыкі вылучылі пабудову ў мікрараёне Азярышча. Дом плошчай 145 "квадратаў" прадалі за $ 400 тысяч.