У Беларусі авіякампаніі будуць збіраць персанальныя звесткі пасажыраў

• 16.10.2024, 10:53

І перадаваць у агульную базу.

У Беларусі будзе створаная адзіная сістэма для захоўвання гэтых пасажыраў авіярэйсаў. Адпаведная пастанова ўжо апублікаваная на Нацыянальным прававым партале.

У базу будуць збіраць інфармацыю аб усіх авіяпасажырах, а таксама звесткі аб грамадзянах, якім забаронены ўезд у краіну. Авіякампаніі, якія ажыццяўляюць міжнародныя рэйсы, абавязаны будуць перадаваць туды персанальныя звесткі пасажыраў.

У сістэму патрапяць такія звесткі, як:

• Прозвішча, імя

• пол,

• дата нараджэння,

• грамадзянства,

• нумар і серыя дакумента, на які быў набыты білет,

• інфармацыя аб рэйсе (нумар, колькасць пасажыраў на борце),

• час вылету і аэрапорты прызначэння.

Акрамя таго, авіяперавозчыкі змогуць атрымаць доступ да базы пасажыраў, якім забаронены ўезд у Беларусь. Персанальныя звесткі будуць захоўвацца ў сістэме два гады.