Казахстан адмовіўся ўступаць у БРІКС

• 16.10.2024, 10:57

Уступленне супярэчыць нацыянальным інтарэсам краіны.

Прэзідэнту Казахстана Касыму-Жамарту Такаеву паступалі прапановы аб уступленні ў БРІКС, аднак, хутчэй за ўсё, у агляднай будучыні краіна ўстрымаецца ад падачы заяўкі ў аб'яднанне, паведаміў 16 кастрычніка TengriNews са спасылкай на прэс-сакратара прэзідэнта Берыка Уалі.

Паводле слоў Уалі, адпаведныя прапановы разглядаюцца кіраўніком дзяржавы і па яго даручэнню аналізуюцца адпаведнымі ведамствамі з пункту гледжання нацыянальных інтарэсаў Казахстана.

Такаеў цяпер аддае прыярытэт ААН "як універсальнай і безальтэрнатыўнай арганізацыі, у якой можна і трэба абмяркоўваць усе актуальныя міжнародныя праблемы".

На думку прэзідэнта Казахстана, "ААН мае свае хтбы, але іншай такой арганізацыі не існуе, і таму яна мае патрэбу ў падтрымцы сусветнай супольнасці". "Статут ААН павінен служыць асновай міжнароднага права, ніхто не мае права парушаць прынцыпы, закладзеныя ў гэтым асноватворным дакуменце" .