Расейцы ў Курскай вобласці знішчаюць сваіх жа

• 19.10.2024, 10:11

Палкоўнік УСУ раскрыў падрабязнасці.

На тэрыторыі Курскай вобласці – сапраўднае пекла. І больш за ўсё пакутуе тут расейская пяхота, якая трапляе і пад удары УСУ, і пад удары сваіх жа.

Палкоўнік запасу УСУ, лётчык-інструктар, ваенны эксперт Раман Світан у штодзённым аглядзе фронту на «24 Канале» расказаў, што на Куршчыне адбываюцца манеўровыя баі.

Світан адзначыў, што манеўровыя баі – гэта адсутнасць фартыфікацыйных збудаванняў на лініі фронту. Без добрай сувязі манеўровыя аперацыі не правесці. Вялікая адказнасць кладзецца на сродкі сувязі, кіраванне, перасоўванне, сталы кантроль знаходжання, каб не патрапіць пад сяброўскі агонь. Дык вось у расейцаў з гэтым вялікая праблема.

«У нас працуюць сур'ёзныя сістэмы РЭБ на гэтым кірунку. Нашы сродкі сувязі, дзякуючы партнёрам, устойлівыя да расейскіх РЭБ. Мы паспяхова кіруем сваімі войскамі, а расейцам гэта не ўдаецца. Таму пад удары КАБ, РСЗА, вайсковай артылерыі трапляюць вельмі часта расейскія часткі. Гэта значыць, яны самі сябе знішчаюць, і пра гэта мала хто кажа, толькі расейскія блогеры ныюць, што ў розных месцах трапляюць пад удар», – адзначыў палкоўнік запасу УСУ.