У Літве на палігоне знайшлі метэазонд з прычэпленай чорнай скрыняй

• 2.10.2024, 10:21

Пакуль не зразумела, што ў ім знаходзіцца.

У Алітусе (на поўдні Літвы, непадалёк ад Гарадзенскай вобласці) на тэрыторыі ваеннага батальёна знойдзены метэаралагічны шар з прычэпленай чорнай скрыняй, расказала прэс-сакратар паліцыі Алітускай акругі Крысціна Янулевічэне.

Уначы ў паліцыю паступіла паведамленне ад ваеннай паліцыі аб тым, што на тэрыторыі палігона ўланскага батальёна Вялікай княгіні Біруты ў Алітусе знойдзены зонд, піша Delfi.lt.

"Акалічнасці здарэння будуць і далей высвятляцца ваеннай паліцыяй", - сказала К. Янулевічэне.

Са слоў прадстаўніцы паліцыі, пакуль дакладна не зразумела, што ў чорнай скрыні, але ёсць падазрэнні, што там могуць быць кантрабандныя тавары.

“У асноўным гэта кантрабандныя цыгарэты”, - адзначыла К. Янулевічэне.