Расейцы паранілі грамадзяніна Турцыі ва Украіне

• 2.10.2024, 11:42

Пры нападзе на міжнародны пункт пропуску.

Раніцай 2 кастрычніка раскйскае войска ўдарыла беспілотнікамі па порце і міжнародным пункце пропуску "Арлоўка" на мяжы з Румыніяй.

Як паведаміў начальнік Адэскай АВА Алег Кіпер, у выніку нападу акупантаў па цывільнай інфраструктуры ў Ізмаільскім раёне былі параненыя два дальнабойшчыкі, адзін з іх грамадзянін Турцыі.

Абодва знаходзяцца ў лякарні. Іх жыццям нічога не пагражае. Згарэлі некалькі фур. Пашкоджанні атрымаў будынак паромнай пераправы праз Дунай «Арлоўка». Гэта міжнародны пункт пропуску на мяжы з Румыніяй. Прымаюцца меры для аднаўлення яго работы.

"Гэта тэрор супраць звычайных людзей", – напісаў Кіпер у Telegram.