«Чыніцца поўнае беззаконне»

• 2.10.2024, 14:27

Расейскі салдат распавёў аб сітуацыі на фронце ў войску РФ.

Расейскі салдат з 132-й брыгады УС РФ, які сутыкнуўся з нахабнымі паводзінамі з боку вайсковага камандавання і завінавачанасцямі ў заробку, запісаў відэазварот, у якім расказаў пра адпраўку на перадавую ў якасці пакарання з боку камандзіра, піша “Дыялог.UA”.

Паводле ягоных слоў, ужо чатыры месяцы яму не выплачваюць заробак і яго шматлікія скаргі ўвесь гэты час заставаліся без адказу. Яму не выплацілі грошы нават за раненне.

Калі ён надумаў звярнуцца да вышэйстаячых інстанцый, замест дапамогі яго адправілі на перадавую, прычым з дадатковай нагрузкай - пабітым за п'янку старым-алкаголікам, які дрэнна чуе і відавочна не здольны да вядзення баявых дзеянняў.

Цяпер вайсковец не ведае, што рабіць, усведамляючы, што, хутчэй за ўсё, сваіх грошай ён так і не ўбачыць. Больш за тое, ён баіцца, што неўзабаве можа загінуць на перадавой.

Каментуючы відэа, у Сеціве адзначаюць, што не варта верыць расейскім уладам і не трэба пагаджацца ўдзельнічаць у так званай "спецыяльнай ваеннай аперацыі". Ён падкрэсліў, што жыццё і здароўе нельга абменьваць на пустыя абяцанні наконт лёгкіх грошай.