«Белавія» без тлумачэнняў скасавала рэйсы Гомель-Масква-Гомель

• 29.10.2024, 11:00

Авіякампанія маўчыць.

Аб скасаванні рэйсаў стала вядома з паведамлення гомельскіх аўтаперавозчыкаў - яны часова скасавалі рэйсы гарадскога аўтобуса. Палёты скасаваныя 29, 30 кастрычніка і 1, 2, 3 лістапада, піша «Флагшток».

Сама «Белавія» маўчыць: на сайце няма ніякіх згадак пра касаванне.

Характэрна, што яшчэ ўчора нацыянальны авіяперавозчык паведаміў аб павелічэнні колькасці рэйсаў з Гомеля ў Маскву і назад да 7 разоў на тыдзень.

Касаванне маршруту супала з гадавінай адкрыцця злучэння Гомель-Масква-Гомель, якая адбылася 29 кастрычніка 2023 года.

Усё гэта можа паказваць, што ў кампаніі проста забыліся падоўжыць неабходныя дазволы на палёты.