Дроны магутна стукнулі па Белгародскай вобласці РФ

• 3.10.2024, 10:24

Прагрымелі выбухі.

Уночы на 3 кастрычніка ў Белгарадскай вобласці РФ прагрымелі магутныя выбухі. Мясцовыя жыхары заявілі, што рэгіён масавана атакавалі ўкраінскія беспілотнікі, паведамляе «Обозреватель».

Чыноўнікі традыцыйна адрапартавалі аб «паспяховай працы СПА», а пажары назвалі вынікам падзення “абломкаў”. Пра гэта пішуць расейскія Telegram-каналы.

Губернатар Вячаслаў Гладкоў заявіў, што над Белгарадам і Белгародскім раёнам з вечара 2 кастрычніка працавала сістэма СПА. Пазней ён паведаміў, што ў выніку падзення фрагментаў беспілотнікаў у Белгарадзе "загарэлася смецце на даху гаража", а ў вёсцы Блізкая Ігуменка на тэрыторыі прыватнага домаўладання адбылося ўзгаранне лазні.

Пазней Гладкоў паскардзіўся, што раненні атрымаў жыхар у вёсцы Ясныя Зоры. З легенды губернатара, БПЛА нібы атакаваў легкавы аўтамабіль, у выніку чаго мужчына з асколачнымі раненнямі перадплечча, спіны і павярхоўнымі ранамі сцягна быў шпіталізаваны.

У мінабароны РФ заявілі, што на працягу ночы сродкамі СПА перахоплена і знішчана 113 украінскіх беспілотных лятальных апаратаў. З легенды тэрарыстычнага ведамства, 73 БПЛА ліквідавалі над тэрыторыяй Белгарадскай, 25 БПЛА - над тэрыторыяй Варонежскай, 14 БПЛА - над тэрыторыяй Курскай і адзін над тэрыторыяй Бранскай вобласці.