Тры чыннікі, праз якія Пуцін можа закончыць вайну

• 3.10.2024, 15:29

Адбудуцца падзеі, якія дазволяць чалавецтву пазбавіцца расейскай пагрозы.

Пакуль няма прыкметаў, што расейскі кіраўнік Уладзімір Пуцін жадае закончыць вайну ва Украіне. Аднак, ёсць 3 чыннікі, якія могуць на гэта паўплываць.

Першы - капітуляцыя Украіны. Другі - смерць дыктатара. Які трэці патэнцыйны варыянт, у эфіры "24 Канала" выказаў здагадку расейскі апазіцыйны журналіст Ігар Якавенка.

Расейскі апазіцыйны журналіст упэўнены, што дыктатар Уладзімір Пуцін не плануе заканчваць вайну ва Украіне. Бюджэт Расеі на 2025 - 2027 гады наскрозь ваенны. Кіраўнік Крамля і вайна - словы сінонімы.

«Спыніць вайну - для Пуціна немагчыма. Аднак пры пэўных абставінах дыктатар сапраўды можа закончыць расейска-ўкраінскую вайну. Але зноў-такі, гэта зусім не азначае, што ён не пачне нейкую іншую.

Таму, ёсць 3 чыннікі, праз якія крамлёўскі кіраўнік можа скончыць вайну, у выпадку:

поўнай капітуляцыі Украіны. Як усе разумеюць - гэтага не будзе;

смерці Пуціна ці яго адхілення ад улады;

калі ў Расеі не стане рэсурсаў для працягу баявых дзеянняў.

У апошні сцэнар пакуль не веру. Думаю, што прынамсі да 2027 года ў Пуціна будуць рэсурсы, каб ваяваць. Далей, спадзяюся, адбудуцца падзеі, якія дазволяць чалавецтву пазбавіцца гэтай галоўнай тэрарыстычнай небяспекі. А менавіта фашысцкага рэжыму, які створаны сёння ў Расеі», - канстатаваў Ігар Якавенка.