За дзень сілы ЦАХАЛу атакавалі больш за 100 аб'ектаў «Хізбалы» ў Ліване.

• 30.10.2024, 10:35

Сярод цэляў была пускавая ўстаноўка, з якой абстрэльвалі Ізраіль.

30 кастрычніка вайсковая прэс-служба паведамляе, што знішчальнікі ВПС за мінулы дзень атакавалі больш за 100 тэрарыстычных аб'ектаў і ліквідавалі дзясяткі тэрарыстаў арганізацыі «Хізбала» на ўсёй тэрыторыі Лівана, пішуць «Дэталі».

Сярод атакаваных цэляў была пускавая ўстаноўка, з якой 29 кастрычніка абстралялі Маалот-Таршыху.

Сілы 146-й дывізіі прадоўжылі сваю дзейнасць у раёне Паўднёвага Лівана. За мінулы дзень яны выявілі ўзбраенне і атакавалі дзясяткі тэрарыстычных аб'ектаў, у тым ліку пускавыя ўстаноўкі для супрацьтанкавых ракетаў і ваенныя будынкі. Беспілотнікі выявілі і атакавалі атрады тэрарыстаў «Хізбалы».

Сілы 91-й дывізіі прадаўжаюць разбураць шахты, знаходзіць зброю і ліквідаваць тэрарыстаў. За мінулы дзень сілы знайшлі зенітныя ракеты і карты, на якіх указаныя цэлі для абстрэлу на тэрыторыі Ізраіля.

У ходзе аперацыі сілы знайшлі вялікую колькасць зброі і пускавых установак, размешчаных сярод цывільных будынкаў і нацэленых на паўночныя населеныя пункты.

162-я дывізія прадаўжае дзейнічаць у раёне Джэбаліі на поўначы сектара Газа, сілы за апошнія суткі ліквідавалі дзясяткі тэрарыстаў з паветра і ў баях твар у твар.

Байцы 252-й дывізіі разам з байцамі дывізіі «Газа» прадаўжаюць дзейнасць на поўдні і ў цэнтры сектара Газа, за апошні дзень сілы ліквідавалі тэрарыстаў і знішчылі аб'екты тэрарыстычнай інфраструктуры ў гэтым раёне.