З'явіліся спадарожнікавыя фота ўніверсітэта спецпрызначэння Пуціна ў Чачні пасля нападу дронаў

• 30.10.2024, 11:46

Відаць, як дым падымаецца ад даху.

З'явіліся спадарожнікавыя здымкі будынка расейскага ўніверсітэта спецназу ў чачэнскім Гудэрмесе пасля нападу дронаў у аўторак, 29 кастрычніка.

Фота апублікавала «Радыё Свабода».

На апублікаваных фота відаць, як дым падымаецца ад даху ўніверсітэта.

Выданне зазначае, што здымак быў зроблены ў 10 гадзінаў 10 хвілінаў раніцы паводле мясцовага часу.

Расейскі ўніверсітэт спецназу быў заснаваны ў Гудэрмесе ў 2013 годзе, з гэтага года носіць імя расейскага дыктатара Уладзіміра Пуціна. Паводле сцвярджэння ўладаў Чачні, з пачатку расейскага ўварвання ва Украіну навучанне там прайшлі тысячы людзей, якія пасля выпраўляліся на вайну.