УСУ разбілі калону расейцаў на Ліманскім кірунку

• 30.10.2024, 16:58

У акупантаў сур'ёзныя страты.

Байцы 60-й асобнай механізаванай Інгулецкай брыгады Узброеных сіл Украіны знішчылі штурмавую бранятанкавую калону з дэсантам расейскіх акупантаў.

Служба сувязяў з грамадскасцю падраздзялення апублікавала адпаведнае відэа, змантаванае з кадраў, знятых як кантрольнымі беспілотнымі лятальнымі апаратамі, так і дронам-камікадзэ.

У канцы роліка пазначаныя страты захопнікаў: знішчаныя два танкі, два бронетранспарцёры, лёгкі шматмэтавы цягач; пашкоджаны танк і баявая машына пяхоты БМП-2.

Блогер "Serg" на сваёй старонцы ў сацыяльнай сетцы "Х" у каментары пад гэтым відэа адзначыў, што гэта адбылося на Ліманскім кірунку.