Нямецкая эканоміка паказала «спадзеўны» рост

• 30.10.2024, 19:03

ФРГ унікла тэхнічнай рэцэсіі.

У нямецкай эканоміцы ў трэцім квартале 2024 года нечакана пазначылася станоўчая дынаміка. З ліпеня да верасня паказнік ВУП Нямеччыны павялічыўся на 0,2 адсотка ў параўнанні з папярэднім кварталам, паведаміла Федэральная статыстычная ўстанова ў Вісбадэне ў сераду, 29 кастрычніка.

Тым самым Нямеччына ўнікла тэхнічнай рэцэсіі, якую прагназавалі шматлікія эксперты, чакаючы далейшага скарачэння нямецкага ВУП у трэцім квартале ўслед за другім. Паводле звестак статыстычнай установы, рост эканомікі звязаны ў першую чаргу з павелічэннем дзяржаўных выдаткаў, а таксама ажыўленнем спажывецкіх настрояў, паведамляе DW.

У гадавых адносінах, гэта значыць у параўнанні з тым жа кварталам 2023 гады, ВУП Нямеччыны з папраўкай на інфляцыю таксама вырас на 0,2 адсотка. Але з улікам не толькі росту коштаў, але і календара паказнік ВУП у гадавых адносінах знізіўся на 0,2 адсотка – гэта звязана з тым, што ў трэцім квартале гэтага года было на адзін працоўны дзень больш, чым летась, растлумачылі ва ўстанове.

Адначасова ў Вісбадэне скарэктавалі паказнік ВУП за другі квартал гэтага года. Раней паведамлялася, што ён склаў мінус 0,1 адсотка, аднак з улікам абноўленых звестак паказнік знізіўся яшчэ больш – да мінус 0,3 адсотка, адзначаецца ў заяве.