У Беларусі вырасце базавая стаўка

• 30.10.2024, 20:06

З 1 студзеня.

З 1 студзеня 2025 года зменіцца базавая стаўка ў Беларусі. Адпаведную пастанову падпісаў прэм'ер-міністр Раман Галоўчанка.

З 1 студзеня базавая стаўка складзе 270 рублёў. Апошні раз яна мянялася ў верасні і цяпер складае 253 рублі.

Павышэнне базавай стаўкі адаб'ецца на заробках працаўнікоў бюджэтных арганізацый, паколькі яна з'яўляецца асноўным элементам тарыфнай сістэмы. Яе велічыня выкарыстоўваецца пры разліку аплаты працы бюджэтнікаў і прыраўнаваных да іх арганізацый, якія атрымліваюць субсідыі ад дзяржавы.

Акрамя таго, да базавай стаўкі прывязаны стымулёўныя і кампенсацыйныя выплаты. Такім чынам, іх памеры вырастуць прапарцыйна.