УСУ стукнулі ў сур'ёзны тылавы вайсковы хаб РФ

• 31.10.2024, 8:37

Вайсковы эксперт раскрыў падрабязнасці.

У часова акупаваным Луганску прагрымелі выбухі. У горадзе прагрымела ў раёне, дзе раней была закансерваваная вайсковая частка. Цяпер там мог быць расейскі склад боепрыпасаў ці тэхнікі ворага, бо дэтанацыя была магутнай.

У штодзённай справаздачы на «24 Канале» вайсковы эксперт, лётчык-інструктар і палкоўнік УСУ ў запасе Раман Світан, прааналізаваў асаблівасці трапляння.

На яго думку, гэта заход паўтонных баявых часцей. Хутчэй за ўсё, гэта маглі быць Storm Shadow, SCALP.

У Луганску менавіта гэтыя ракеты ўжо вызначылі для сябе пэўную зону працы - знішчэння расейскіх складоў, тэхнікі і асабовага складу. Гэта быў працяг такіх аперацый.

«Магчыма, мы атрымалі наступную партыю Storm Shadow і SCALP, якія адразу выкарыстоўвалі для знішчэння расейскай лагістыкі», – распавёў Раман Світан.

Ён дадаў, што Луганск - гэта сур'ёзны тылавы вайсковы хаб. Да якога зараз можна дастаць толькі дзякуючы ракетам ад партнёраў.