Зяленскі і Орбан нечакана паціснулі рукі

• 31.10.2024, 14:05

Рыхтуецца супольны дакумент.

Паміж Украінай і Вугоршчынай рыхтуецца двухбаковы дакумент, які павінен спрасціць развязанне большасці пытанняў, якія ўзнікаюць паміж дзяржавамі. Такую навіну паведаміў прэзідэнт Украіны Уладзімір Зяленскі падчас размовы з кіраўнікамі тэрытарыяльных грамадаў і раёнаў Закарпацця.

“Сёння рыхтуецца двухбаковы дакумент паміж Украінай і Вугоршчынай. Там ёсць шмат рэчаў для таго, каб прыбраць непаразуменні ці адказаць на выклікі сучаснасці, будучыні і мінулага. Каб не ўзнімалася пытанне меншасцяў. Дакладней, пытанне можа ўзнімацца, але каб яно хутка ўрэгулёўвалася, каб не ўзнікала пытанняў паміж нашымі дзяржавамі. Мы вельмі станоўча на гэта глядзім», - распавёў Зяленскі.

Таксама і пытанні бяспекі з'яўляюцца часткай гэтага дакумента.

«Самае малое, што мы просім у Вугоршчыны, - не блакаваць запрашэнне Украіны ў NATO. Гэта значыць, не падтрымліваць, не галасаваць за нас, а не блакаваць», - падкрэсліў прэзідэнт Украіны.