Нарвегія перадае Украіне F-16 і сістэмы СПА NASAMS

• 31.10.2024, 14:56

Новы пакет дапамогі ацэнены на 500 млн еўраў.

Нарвегія рыхтуе для Украіны новы пакет дапамогі 500 млн еўраў. Ён будзе складацца са знішчальнікаў F-16 і сістэмаў СПА NASAMS.

Пра гэта паведамляе РБК-Украіна са спасылкай на дырэктара Дэпартамента міжнароднага супрацоўніцтва Мінабароны Генадзя Каваленку на Kyiv Security Forum.

Ён расказаў аб дэталях візіту міністра абароны Нарвегіі Берна Арыльда Грама ў Адэсу. Украінскія вайскоўцы прадэманстравалі Граму цэнтр рэабілітацыі вайскоўцаў і ўмацаванне мяжы, а таксама праінфармавалі аб сітуацыі з бяспекай.

«Ён адзначыў чарговы пакет дапамогі з боку Нарвегіі ў суме 500 млн еўраў, які ўключае F-16 і сістэмы NASAMS», – заявіў Каваленка.

Са слоў прадстаўніка Мінабароны, Нарвегія заявіла аб гатоўнасці інвеставаць ва ўкраінскую абаронную прамысловасць.