Кіраўнік ФСБ заявіў аб пагрозе кіраўнікам СНД праз выбухі пэйджараў у Лібане

• 4.10.2024, 10:56

Будуць замахі?

Падрывы пэйджараў, рацый і іншай тэхнікі групоўкі "Хезбала", якія адбыліся ў Лібане, нясуць "наўпроставую пагрозу" замахаў на прадстаўнікоў улады ў СНД, заявіў дырэктар ФСБ Аляксандр Бортнікаў на пасяджэнні Рады кіраўнікоў органаў бяспекі і спецслужбаў СНД.

"Вынікі работ спецслужбаў супраціўніка ў зборы звестак аб уразлівасцях інфармацыйных рэсурсаў і канспіратыўнаму ўкараненні "закладак" могуць быць выкарыстаныя не толькі для разбурэння крытычнай інфармацыйнай інфраструктуры, але і арганізацыі замахаў на прадстаўнікоў дзяржаўнай улады з дапамогай электронікі, якая носіцца ў патрэбны момант", - цытуе Бортнікава ТАСС.

Паводле ягоных слоў, гэта з'яўляецца "прамой пагрозай" бяспецы краін СНД.