Іран закрыў паветраную прастору

• 6.10.2024, 19:05

Самалёты над Іранам перастануць лятаць да раніцы панядзелка.

Усе рэйсы ў паветранай прасторы Ірана скасаваныя з 21:00 гэтага дня да 6:00 раніцы 7 кастрычніка паводле мясцовага часу (20:30 і 5:30 паводле Менску) у сувязі з эксплуатацыйнымі абмежаваннямі, паведамляе Iran International паведамленне Арганізацыі грамадзянскай авіяцыі.

Пасажыраў папрасілі звязацца з авіяперавозчыкамі для атрымання дадатковай інфармацыі і запэўнілі, што турбавацца аб звароце сродкаў не варта: пазней будзе абвешчана аб спосабах атрымаць грошы назад.

Крыніца Tasnim ва ўзброеных сілах Ірана распавяла аб гатоўнасці Тэгерана адказаць Ізраілю ў выпадку якіх-небудзь дзеянняў з боку апошняга. Падрыхтаваны некалькі варыянтаў удару ў адказ у залежнасці ад таго, як паступіць Тэль-Авіў.

Апошні раз паветраная прастора Ірана закрывалася некалькі дзён таму, 2 кастрычніка, перад масаваным ракетным абстрэлам Ізраіля.