Spiegel: Нямеччына ўпершыню за многія гады дазволіла значны экспарт зброі ў Турцыю

• 6.10.2024, 21:37

Раней Бэрлін адмаўляўся гэта рабіць з некалькіх прычын.

Нямецкі ўрад упершыню за шмат гадоў даў зялёнае святло на вялікі экспарт зброі ў Турцыю. Федэральная рада бяспекі ФРГ ухваліла пастаўкі нямецкай зброі коштам на некалькі сотняў мільёнаў еўраў партнёру з NATO - Анкары, паведамляе Spiegel са спасылкай на крыніцы.

Адзначаецца, што Турцыі прададуць 100 зенітных ракет і тарпед для ВМС краіны, а таксама матэрыялы для мадэрнізацыі турэцкіх падлодак і фрэгатаў. Згодна з лістом Міністэрства эканомікі, які атрымала SPIEGEL, нямецкія вытворцы атрымалі дазвол на пастаўку зброі на 336 млн еўраў.

Журналісты паказваюць, што ў апошнія гады Бэрлін рэзка скараціў экспарт зброі ў Турцыю з-за палітыкі прэзідэнта Раджэпа Тайіпа Эрдагана наконт курдаў і моцных сувязяў Анкары з тэрарыстычнай групоўкай ХАМАС на Блізкім Усходзе. Як вынік, у апошнія гады ўрад Нямеччыны ўхваляла ўсё менш экспарту зброі для партнёра з NАТО. Так, за ўвесь 2023 адобрылі толькі 17 праектаў на 1,22 млн еўраў.