Лукашэнка не кантралюе неба над Беларуссю

• 7.10.2024, 11:13

“Шахедаў” уначы над краінай было мінімум чатыры.

Мінімум чатыры беспілотнікі тыпу "Шахед", якія выкарыстоўваюцца Расеяй, зайшлі ў паветраную прастору Беларусі за ноч і раніцу. Пра гэта паведамляюць украінскія маніторынгавыя праекты.

Першы дрон заляцеў з Чарнігаўскай вобласці Украіны ў кірунку Хойнікаў а 23.27.

Далей "Шахеды" заходзілі ў Беларусь а 00.40, 04.06 і 08.35.

"Вядома, што дрон, які заляцеў у Беларусь у раёне Лоева а 04.06, пакруціўся ў паветранай прасторы Беларусі блізу 40 хвілін і вярнуўся назад ва Украіну, таксама пацверджанае вяртанне ва Украіну і апошняга "Шахеда", што заляцеў а 08.35", — гаворыцца ў паведамленні.