Лукашэнка ляціць да Пуціна без падарунка

• TELEGRAM-КАНАЛ "НІК І МАЙК"
• 7.10.2024, 12:49

Прапанаваць няма чаго.

Пуціну даводзіцца праводзіць цэлы «саміт СНД», каб яго павіншавалі з днём нараджэння. Гэта значыць і без таго нешматлікім гасцям патрэбная падстава, каб павіншаваць. Гэта адлюстроўвае ступень дэградацыі крамлёўскіх старцаў. Не паважаюць і нават амаль не баяцца.

Лукашэнка вельмі хацеў прыехаць на дзень нараджэння не з пустымі рукамі, а яшчэ больш хоча з'ехаць не з пустымі рукамі.

Толькі вось везці ў падарунак няма чаго. Ідэальным падарункам лічылася б прынесці чарговую адмову ад чарговых перамоў з Захадам. За вялікія грошы, зразумела. Аднак везці няма чаго. У Менску яшчэ не зразумелі, што «важнасць» Лукашэнкі і нават развязанне нейкіх лакальных праблем з прымежнымі дзяржавамі ўпала ніжэй за нуль. Ніхто не будзе ўгаворваць. Няма дык няма.

Таму з падарункам цяжка. Казахстан рэферэндум пра АЭС правёў. Толькі гэта больш клопат, а не падарунак. Бо пастанова будзе прымацца не хутка.

А ў Лукашэнкі засталіся каровы і абломкі расейскага «Шахеда» з-пад Калінкавічаў. Але гэта на падарунак не цягне.

Telegram-канал "Нік і Майк"