У пункце пропуску «Беняконі» могуць вырасці чэргі

• 8.10.2024, 9:59

Названая прычына.

З сённяшняга дня, 8 кастрычніка, у пункце пропуску «Беняконі» на літоўскай мяжы пачынаецца рамонт цэментабетоннага пакрыцця. Гэта можа павялічыць чаргу на праходжанне мяжы, паведамілі ў Мытным камітэце.

Будзе рамантавацца ўязная паласа для руху грузавікоў. Таму грузавы транспарт пусцяць па адной паласе разам з легкавымі аўтамабілямі.

Як паведамляецца, работы будуць праводзіцца на працягу 10 дзён - да 18 кастрычніка.

Дарэчы, на 08:00 у Беняконях не было чэргаў з аўтобусаў і легкавых аўтамабіляў, але стаяла 640 грузавікоў.