Акупанты абняславіліся з «бетоннымі схованкамі» з пенапласту

• 8.10.2024, 10:05

Такія ўстанавілі ў Данецку.

У акупаваным Данецку пачалі ўсталёўваць для абароны ад абстрэлаў «бетонныя схованкі», зробленыя з пенапласту.

Як піша New Voice, пра гэта распавялі мясцовыя жыхары, апублікаваўшы ў сацсетках адпаведнае відэа.

Адно з такіх «ахоўных збудаванняў» з'явілася побач з прыпынкам грамадскага транспартк на вуліцы Абакумава ў раёне гарадской лякарні № 25.

З выгляду гэтыя «схованкі» здаюцца цалкам надзейнымі, аднак варта трохі паскрэбці па іх сценах, як пад тонкім пластом бетону выяўляецца звычайны пенапласт.

«Сховішча каля прыпынку. Бетоннае, літае, тоўстае. Заходзім сюды, глядзім, а гэта пенапласт, змяшаны з бетонам. Вось вам і сховішча», - наракае аўтар відэа.