«Раніцай трэніроўка, потым іду ў школу»

• 1.11.2024, 17:27

Як 17-гадовы вундэркінд «Барселоны» паспявае гуляць у Лізе чэмпіёнаў і вучыцца.

Абаронца «Барселоны» Паў Кубарсі распавёў, як сумяшчае вучобу і трэніроўкі на высокім узроўні.

«Я вучуся на другім курсе сярэдняй школы. Раніцай у мяне трэніроўка, потым іду ў школу - з 15.00 да 20.00.

Калі адбываецца матч Лігі чэмпіёнаў або калі мне трэба быць у ад'ездзе, і я не магу наведаць заняткі, на наступны дзень я прашу ў аднакласнікаў канспект ці нататкі таго, што прапусціў», - цытуе Кубарсі Esports RAC1.

17-гадовы Кубарсі ў гэтым сезоне правёў 14 матчаў і зрабіў адну галявую перадачу. Ён выходзіў на поле ва ўсіх трох матчах «Барселоны» ў Лізе чэмпіёнаў, паказваючы сябе як надзейны абаронца і перспектыўны гулец.