У Пентагоне абвясцілі пра пакет дапамогі Украіне на $ 425 мільёнаў даляраў

• 1.11.2024, 20:58

Што ў яго ўвойдзе.

У Пентагоне ў пятніцу, 1 лістапада, абвясцілі пра пакет дапамогі ў бяспецы для Украіны на 425 мільёнаў даляраў. Пра гэта паведамілі на сайце Міністэрства абароны ЗША.

Пакет уключае ракеты для СПА, снарады для артылерыі, бронятэхніку і супрацьтанкавую зброю.

Як сказана на сайце Пентагона, у склад пакету абароннай дапамогі ўвайшлі:

боепрыпасы для NASAMS;

боепрыпасы для HIMARS;

ракеты Stinger;

абсталяванне і боепрыпасы для процідзеяння беспілотным авіяцыйным сістэмам;

боепрыпасы класу паветра – зямля;

155-мм і 105-мм артылерыйскія снарады;

ракеты трубчастага пуску з аптычным адсочваннем і правадным навядзеннем (TOW);

супрацьтанкавыя комплексы Javelin і AT-4;

бронетранспарцёры Stryker;

стралковая зброя і боепрыпасы;

медабсталяванне;

абсталяванне і боепрыпасы для выбуховых працаў;

запчасткі, дапаможнае абсталяванне, паслугі, навучанне і транспартаванне.