На Купянскім кірунку ўкраінскія дэсантнікі разбілі цэлае падраздзяленне танкістаў РФ

• 10.11.2024, 11:39

Відэафакт.

Украінскія дэсантнікі разбілі цэлае падраздзяленне расейскіх танкістаў на Купянскім кірунку. Былі знішчаныя больш за сотню акупантаў.

Пра гэта паведамляюць Дэсантна-штурмавыя войскі УСУ.

«Купянскі кірунак. Палі ўсеяныя «двухсотымі». Дэсантнікі Прыдняпроўскай брыгады ДШУ знішчылі больш за сотню акупантаў», - гаворыцца ў паведамленні.

Як распавялі вайскоўцы, падраздзяленнямі 77-й асобнай аэрамабільнай Прыдняпроўскай брыгады Дэсантна-штурмавых войск УС Украіны пад населеным пунктам Круглякоўкай Харкаўскай вобласці было разбітае падраздзяленне 1 танкавага палка 2 мотастралковай дывізіі 1-й танкавай арміі УС РФ.