У Беларусь заляцелі як мінімум 10 «шахедаў»

• 10.11.2024, 15:09

Дроны даляталі да Мазырскага раёна.

Мінімум 10 дронаў тыпу Shahed гэтай ноччу заходзілі ў Беларусь, паведамляе тэлеграм-канал «Беларускі Гаюн».

Паводле інфармацыі канала, дроны праходзілі праз «беларускі калідор» Славуціч-Прыпяць, заляталі з Чарнобыля і Лоева, і даляталі да Мазырскага раёна.

Частка беспілотнікаў пазней разварочваліся над Беларуссю і ляцелі ў зваротным кірунку. Так адзін з дронаў вярнуўся на Чарнігаўшчыну, паўторна заляцеў у Беларусь ужо ў Гомельскім раёне і адтуль пайшоў на Расею.

Паводле папярэдніх звестак тэлеграм-канала, над Беларуссю зніклі як мінімум 3 «шахеды» пад Брагінам, у Мазырскім і Ельскім раёнах. Беларуская авіяцыя не ўзнімалася.