У Тбілісі пачаўся марш апазіцыі супраць вынікаў парламенцкіх выбараў

• 10.11.2024, 20:08

На плошчы Свабоды сабралася вялікая колькасць людзей.

У сталіцы Грузіі ў Тбілісі на плошчы Свабоды сабралася вялікая колькасць людзей. Там пачынаецца апазіцыйны марш пратэсту супраць вынікаў парламенцкіх выбараў.

Пра гэта паведамляе РБК-Украіна са спасылкай на Telegram NEWSGEORGIA.

На апублікаваных кадрах можна ўбачыць, што людзі са сцягамі Грузіі стаяць у чаканні апазіцыйнага маршу, які планаваўся загадзя.

Што папярэднічала

Паводле звестак ЦВК Грузіі, перамогу на выбарах у парламент, прычым з вялікім адрывам, атрымала скандальная партыя «Грузінская мара».

Міжнародныя назіральнікі заявілі, што падчас выбараў быў зафіксаваны шэраг парушэнняў. У сувязі з гэтым апазіцыя ў Грузіі абвясціла байкот новаму парламенту і паралельна пачаліся пратэсты.

Учора, як і сёння, таксама прайшлі пратэсты. Так, днямі выданне NewsGeogria паведаміла, што грузінская апазіцыя правядзе 9 лістапада пратэставае шэсце пад лозунгам «Не – расейскім выбарам».

Арганізатарамі маршу выступілі некалькі партыяў, а менавіта – «Адзінства – Нацыянальны рух», «Кааліцыя за перамены» і «Моцная Грузія».

Пратэставая акцыя мела перад сабой мэту скасаваць вынікі парламенцкіх выбараў, якія прайшлі 26 кастрычніка. Больш за тое, адзначым, што на днях грузінская апазіцыя абвясціла пра штодзённыя пратэсты.