У Севастопалі ўзарвалі аўто з капітанам 1-га рангу Чарнаморскага флоту РФ

• 13.11.2024, 11:25

Відэафакт.

У часова акупаваным Севастопалі ўзарвалі аўтамабіль з вайскоўцам.

Як інфармуе Цензор.НЕТ, пра гэта пішуць расейскія СМІ.

Мясцовыя каналы адзначаюць, што выбух адбыўся ля супермаркета на праспекце Шаўчэнкі. У аўтамабілі знаходзіўся мужчына 40-45 год, яму часткова адарвала ногі.

Пракрамлёўскія суполкі пішуць, што мужчына быў вайскоўцам і памёр.

Папярэдне, у аўто знаходзіўся капітан 1-га рангу Чарнаморскага флоту.

Так званы «губернатар» Севастопаля Разваджаеў пацвердзіў, што быў ліквідаваны вайсковец РФ.