Магілёўка знайшла ў супермаркеце шпінат «з будучыні»

• 13.11.2024, 11:46

Беларусы паспрачаліся, ці можна такі прадаваць.

Жыхарка Магілёва знайшла ў краме Green шпінат «з будучыні». Відэа яна апублікавала ў TikTok, піша «Зеркало».

«Сёння 12 лістапада 2024 года. Мы знаходзімся ў Green. І тут ёсць вельмі класны шпінат «з будучыні». Ён зроблены 16 лістапада, гэта значыць праз чатыры дні», - распавяла яна.

Карыстальнікі ў каментарах выказалі здагадку, што шпінат свежы, «проста калі штампавалі крыху памыліліся», а таксама, што «яго могуць зараз прыбраць і выставіць 16 і ўсё».

Аўтар відэа выказала меркаванне, што «гэта брак, і такое прадаваць нельга» праз недакладную інфармацыю аб тэрмінах прыдатнасці.