Расея скінула на свае тэрыторыі 3,5 тысячы бомб

• 13.11.2024, 14:06

За сто дзён Курскай аперацыі УСУ.

Аперацыя Сіл абароны Украіны ў Курскай вобласці доўжыцца 100 дзён. За гэты час вораг 11 578 разоў абстраляў уласную тэрыторыю.

Пра гэта паведамляе аператыўнае камандаванне "Поўнач".

Як адзначылі ва УСУ, раўняючы з зямлёй свае ж населеныя пункты і забіваючы сваіх грамадзян, расейцы скінулі на ўласную зямлю 3 243 кіраваныя авіяцыйныя бомбы і 356 некіравальных авіяцыйных ракет.

Акрамя таго, расейцы за сто дзён скінулі на свае тэрыторыі 2 462 выбуховыя прыстасаванні з дронаў, выкарысталі 2 175 FPV-дронаў.

У сваю чаргу ўкраінскія воіны спалілі дзясяткі адзінак бранятэхнікі і знішчылі сотні ворага на Курскім кірунку.