За ноч мінімум 12 «Шахедаў» заляталі ў Беларусь

• 13.11.2024, 18:40

Два прапалі, адзін даляцеў да Рэчыцы.

Уначы 12 лістапада было зафіксавана як мінімум 12 заходаў расейскіх дронаў-камікадзэ тыпу «Шахед» у Беларусь з Украіны. Дроны праляталі над Брагінам, Гомелем і Рэчыцай, а таксама неаднаразова праходзілі праз «беларускі калідор», піша «Беларускі Гаюн».

Першы заход адбыўся а 22:09 у Брагінскім раёне, пасля чаго дрон вярнуўся ў Чарнігаўскую вобласць з паўторным заходам ужо ў «калідор», а затым - у Кіеўскую вобласць. Уначы шахеды заходзілі а 23:14, 02:58, 03:35, 04:49, 05:05, 05:40, 06:10, 06:58, 07:10, 07:59 і 08:10.

А 07:10 дрон быў заўважаны на поўнач ад Рэчыцы і рухаўся ў бок Светлагорска/Бабруйска, гэта значыць знаходзіўся за 70 км ад мяжы з Беларуссю. Потым зрабіў кола і паляцеў на Кіеўскае вадасховішча, праляцеўшы над Беларуссю блізу 200 км.

За ноч у Беларусі страчана як мінімум два беспілотнікі, гэта пацвярджаюць ВПС УСУ, якія паведамілі, што 2 БПЛА пакінулі паветраную прастору Украіны ў кірунку Беларусі і Расейскай Федэрацыі.

Гэта была ўжо 4-я ноч запар, калі расейскія «Шахеды» масава прыляцелі ў Беларусь, і ўпершыню за гэтыя дні быў паднятыя дзяжурны самалёт ВПС Рэспублікі Беларусь. Самалёт вылецеў з Баранавічаў а 07:40 раніцы і вярнуўся на базу а 08:45.