Заўтра ў Беларусі будзе падаць снег

• 13.11.2024, 19:53

Але мокры.

У чацвер, 14 лістапада, у Беларусі будзе пераважаць воблачнае надвор'е, паведамляе Белгідрамет. З паўночнага захаду Еўропы да нас перамяшчаецца атмасферны фронт.

Уначы месцамі чакаюцца невялікія ападкі, удзень у многіх раёнах краіны пройдуць ападкі - мокры снег, дождж. Месцамі чакаюцца слабыя туман і галалёд. Вецер уначы будзе няўстойлівы слабы, удзень - паўднёва-заходні сярэдні.

Тэрмометры ўначы пакажуць ад 4 градусаў марозу да 1 градуса цяпла. Удзень прагназуецца -1...+4.

У пятніцу таксама на большай частцы тэрыторыі краіны чакаецца мокры снег і дождж. Вецер будзе заходняй чвэрці сярэдні, месцамі - парывісты. Уначы прагназуецца -3...+3, удзень тэрмометры пакажуць ад 0 да +7.